OCT представува модерна диагностичка неинвазивна метода, представена за прв пат во клиничната практика во 1997 год. со која се испитуваат ткивата in vivo . Се базира на комплексни анализи на рефлексија на ниско кохерентна радиација ( паралелни светлосни зраци влегуваат во окото и се рефлектираат различно во зависност од состојбата на ткивото кое подлежи на испитување и неговите патолшки промени ).
Промедика офталмологија , располага со Оптичен кохерентен томограф модел Cirrus HD OCT –Zeiss Meditek.

Зошто Cirrus OCT –Zeiss ?

1. Oптичко кохерентен томграф чии резултати се признаваат за клинички испитувања.
2. Висока резолуција која дозволува  визуализација  на  ретиналните слоеви  “in vivo “, слична на хистолошки наод л.1
3. Има софтвер и за преден и за заден очен сегмент .
4. Има FDA-(Food and Drug Administration) одобрување за точноста на податоците добиени за NFRL- невроретинален фибриларен слој и  за скен на оптичкиот диск на папилата ( оценка за екскавацијата ) .Резултатите од OCT ( анатомски)   за Глаукома корелираат со физиолошките промени константирани со HFA-Humphery Field Analizer  ( компјутерна периметрија )  само кога е уништен  веќе  30%  од NFRL ( во практика анализата на RNFL дава можност да се види анатомска промена пред да настане физиолошката промена.

Структури кои се анализираат во заден очен сегмент се следниве:

• Макула
• Оптичен диск ( папила на оптичкиот нерв)
• Ретинален неврофибриларен слој
• Ретина

Структури  кои се анализираат од преден очен сегмент :

•          Корнеа  со возможност за мерување на централна корнеална дебелина
•          Иридокорнеален агол

Во апаратот е интегриран систем на база на податоци за компарација (референтен систем ) , за испитувањата на макула и за ретиналниот неврофибриларен слој и тоа за пациенти на возраст меѓу 17 год и 72 год. вклучително.

 Патологија каде  се прилага OCT :

1. Дупка на макулата и псевдодупка
2. Лезии во витреоретиналната површина и витреоретинален тракционен синдром.
3. Фовеална ретиношиза
4. Епиретинална мембрана (macular pucker)
5. Едем на макула од различни причини ( пост вазооклузивна болест , диабетичен макулен едем ,увеитен макуларен едем  итн ).
6. Серозно и хеморагично одлепување на ретината и на пигментниот епител
7. Макулна дегенерација,  јувенилна и сврзана со возраста
8. Диабетна ретинопатија
9. Акутни и хронични епителиопатии
10. Субретинална неоваскуларизација
11. Интраретинални и преретинални неоваскуларизации
12. Ретинална атрофија
13. Глаукома и нејзините секвели

OCT дава возможност да се откријат  и измерат

• Морфолошки промени
• Дебелина на ретината
• Дебелината на ретината и ретиналниот невро – фибриларен слој
• Волумен на ретината
• Различни параметри на дискот на папилата
• Напречен пресек на иридокорнеален агол
• Напречен пресек на корнеа со возможност за мерење на централната корнеална дебелина  (пахиметрија).

Добиените резултати може да се

• анализираат
• квантифицираат ( да се изразат графички со цифри и проценти)
• да се меморираат во хард дискот на самиот апарат, како и да се извадат на електронски носач( Це Де или дискета )
• да се прави компарација на резултатите во динамика (пр.  резултати од денес да се компарираат со резултати од пред еден месец  за еден исти пациент).

OCT  како неинвазивна и безопасна за пациентот метода, дозволува повеќекратно повторување на испитувањето со цел

• Следење на прогресија на заболувањето
• Да се квантифицираат лезиите
• Да се направаат фармацевтски или постласерски студии

Кога не може да се прави OCT

1. Сигнификантно намалена видна острина , невозможност на пациентот да фиксира , обострано.
2. Непровидност на оптичките медиуми.
3. Контраиндицирано е при луѓе кои страдаат од епилепсија
4. Кај мали деца ( не добра кооперабилсност, низок комплајнс)

Зошто OCT ?

1. Не – инвазивна,
2. Без-контактна,
3. Безопасна,
4. Брза,
5. Сензитивна, висока резолуција